كلمات اغنية المريله الكحلي محمد منير 

يا بنت يا أم المريله كحلي
يا شمس هله وطاله من كوله
لو قلت عنك فى الغزل قوله
ممنوع عليا ولا مسمحولي

انا احب اقول الشعر فى الحلوين
والحلو اقوله يا حلو فى عيونه
ولو ابتديت بشفايفك النونو
مايكفنيش فيهم سبع دواوين

يا ملاك يا جنيه يا ست الحسن
يعجبنى توهانك فى أحلامك
يعجبنى شد الخصر بحزامك
يعجبنى أخدك للكتب بالحضن

راحوا الصبايا والصبايا جم
اجمل من فيهم مين غير بنتي
واجمل مافيكى يا بنتي ان انتي
فى عنيكى من نني حنان الأم